Xa estamos no Nadal!!

Si, xa estamos no Nadal! Os nenos/as e maiores agardamos estas datas ansiosos por xuntar á familia, ter vacacións e sobre todo...por recibir algún agasallo si nos portamos ben ao longo do ano! Durante estes días traballaremos algún dos personaxes típicos do Nadal, como "Papá Noel" os "Reis Magos" e tamén achegaremos aos alumnos/as a figura do "Apalpador". Se queredes saber quen é o "Apalpador" non vos perdades a súa historia!

  

 

  Lecturas recomendadas para o Nadal, dispoñibles na biblio do noso cole!

Os nosos festexos de outono!

 Boasssss!!! Aquí vos deixamos unha recompilación de como foi o Samaín e o Magosto no noso cole, agardamos que a desfrutedes 😁

MAGOSTO E XOGOS TRADICIONAIS

Acércase o San Martiño, e con el o tempo do magosto! 

Moito nos gusta comer as castañas asadas no noso cole, e este ano, respectando as distancias e con moito sentidiño, grazas a toda a comunidade educativa puidemos desfrutar delas coma todos os anos!!!! Ademais, puidemos desfrutar de distintos xogos tradicionais, pronto poderedes ver o ben que o pasamos! 

Mentres tanto, aquí vos deixamos un arquivo moi interesante sobre "Xogos tradicionais", botádelle un ollo e animádevos a xogar!!!

CONXUROS

Despois de agardar impacientemente...por fin podemos ver os "Conxuros" que realizaron os/as alumnos/as do noso cole polo Samaín!  🎃

Xa adiantamos que...estes nenos/as teñen moooooooita imaxinación e foron uns grandes feiticeiros/as! Ollade!! 👀

 

LE OS NOSOS CONXUROS!!! 

Recursos para o Samaín

Chegou o Samaín!

 Olaaaa olaaa a todos e todas!😀

Despois de todos estes meses tan estraños, por fin puidemos volver ao cole! Todo é un pouco "diferente" pero...hai cousas que non cambiarán! Durante o mes de outubro sempre estabamos impacientes porque chegase o Samaín, e...este ano non iba a ser menos! Teremos un Samaín...de MeDoO!!! 😱😱

    Momias           Sangue           Esqueletos            Cabazas 🎃      

              Arañas          Pantasmas        Bruxas       Vampiros          

    Apócemas            Zombis                      Medo        ... 

Con todo isto e máis, este ano teremos que converternos en bruxos e bruxas e elaborar un "conxuro"

Ollade! 👀

 

 

 

Día do Medio Ambiente!

O pasado 5 de xuño conmemorouse o Día Mundial do Medio Ambiente. Algúns nenos e nenas do noso cole xogaron coa linguaxe e fixeron uns acrósticos moi chulos con palabras relacionadas co Medio Ambiente!
 Ademais, deseñaron anuncios para concienciar ao ser humano da importancia do seu coidado e conservación, ollade 👀!

💚Medio Ambiente💚

Caricaturas Carvalho Calero!

Despois de traballar ao autor homenaxeado e afondar nalgunhas das súas obras, os alumnos/as de 3º EP animáronse a facer unha caricatura de Ricardo Carvalho Calero.
Definitivamente...son uns verdadeiros artistas!!! Ollade!

O Refraneiro da primavera!

Tempo de flores, plantíos, árbores froiteiras, días solleiros...así é a primavera! Aínda que este ano sexa confinados, pronto poderemos desfrutar dela! Dende o EDLG propuxemos ao noso alumnado continuar co refraneiro recompilando refráns populares relacionados con esta estación do ano. Aquí vos deixamos algúns deles!

Entre os máis populares:  😉

-En abril, augas mil!

-A primavera que cante, que chore, nunca vén sen flores.

-Ata o corenta de maio, non quites o saio.

Audioconto "As pitas baixo a choiva"

Coñecemos un pouco máis a Ricardo Carvalho Calero??

         Xoga descubrindo a Carvalho Calero

Semana das Letras Galegas!

O vindeiro 17 de maio é o día das nosas letras, das nosas verbas, é o Día das Letras Galegas!!!

Cada ano un autor galego é homenaxeado nese día, e este ano o homenaxeado é...

Ricardo Carvalho Calero.

Para saber un pouquiño máis sobre este autor, e afondar sobre o seu estudo sobre a literatura galega, o seu compromiso coa nosa lingua, as súas obras de poesía, teatro...deixámosvos algúns recursos!

BIOGRAFÍA "RICARDO CARVALHO CALERO"

• Recursos web e descargables da web primavera das letras.
• Portal das palabras, teatro de Carvalho Calero
• Poesía de Carvalho Calero
• Recursos interactivos, actividades en liña por niveis do Seminario Galán.
• Portal da lingua galega, actividades interactivas e outros recursos.

O MAIO

Maio

Sabedes o que é un maio?? Flores, laranxas, ovos... e moita imaxinación. Estes son os principais ingredientes dos "Maios", as construcións vexetais que a primeiros do mes de maio enchen as rúas de case toda Galicia!

Sabiades que no Grove o día 1 de maio de cada ano celébrase un tradicional concurso de maios???! Seguro que algún de vós foi algunha vez, este ano non foi posible pero...apuntádeo na vosa axenda do próximo ano! 😉 

Cada primeiro de maio  a vexetación sae á rúa en forma de "maio", unha construción de diferentes formas feita con elementos vexetais en función da zona na que se elabora.

Os "maios" foron pensados  para invocar o crecemento das plantas cultivadas e para protexelas de posibles ameazas naturais ou sobrenaturais. Era unha festa na que os nosos antepasados celebraban a fin do inverno e a chegada da primavera.

POEMA "AÍ VEN O MAIO"

Manuel Curros Enríquez

FELIZ DÍA DO LIBRO!!!!!

O 23 de abril, celébrase o día do libro! 

Aínda que os libros son especiais, e todo o ano lle temos que adicar o noso tempo e agarimo, hoxe é o seu día!
Por iso, vos deixamos este arquivo onde podedes atopar recomendacións de lectura en galego, e algúns audiocontos para que gocedes do voso tempo de lecer coa lectura!

Le en galego!!!
Para iso, preme en Baía Edicións, Xerais e Papagaio, atoparás recomendacións de lectura en galego e algúns números da revista Papagaio.
Tamén podes acceder aos audiocontos de Contos do Camiño e Kalandraka.

TODO VAI SAÍR BEN!!!

Os nenos e nenas de 4º do noso cole fixeron uns debuxos moooooooooi chulos para animarnos e lembrarnos que... 

TODO VAI SAIR BEN!! 

MOITAS GRAZAS COMPAÑEIROS/AS!!!!

Non vos perdades esta magnífica interpretación!

Ola a todos!
Estamos ansiosos por que esta situación remate axiña e poidamos reencontrarnos!
Mentres tanto, os alumnos do Rosalía seguen argallando! 
Sara e Naima non lle dan cabida ao aburrimento e desfrutan moito creando as súas historias, pero...non só creando, senón tamén interpretando!!!!!! 
Non vos perdades este bonito conto creado e interpretado por elas mesmas! 

MOITAS GRAZAS!!!

 

E seguimos coas interpretacións! No seguinte vídeo, Paula de 4º A interprétanos o seu magnífico conto!

MOITAS GRAZAS!!!

 

 

NAMORADOS DA NOSA LINGUA!!!

Como xa vos adiantamos nunha entrada anterior, durante o mes de febreiro celebramos no colexio o "mes do amor e da amizade". Fixemos actividades en colaboración coa biblio do cole como "un bico para...", "declárate cantando", actividades a nivel de aula para conmemorar o "Día de Rosalía de Castro", festexamos o Entroido...en conclusión, un mes moi atarefado e con moita festa 😀!!!

Entre todas as actividades, cabe sinalar unha moi especial. O 21 de febreiro foi o Día Internacional da Lingua Materna, por isto, en cada aula, os nenos e nenas  do Rosalía mergullámonos na nosa lingua pescudando palabras fermosas que nos gustaría compartir cos nosos amigos e familia. O resultado final foi este fermoso vídeo, non o perdades!!!!!!

Algúns contos en galego...

A Casa da mosca chosca

Corre, corre cabaciña

A vaca que puxo un ovo

Entroido 2020 no Ceip Rosalía de Castro!

Non vos perdades o guapos que fomos ao cole na semana do entroido cos mandadiños do Meco!

24 FEBREIRO, Día de Rosalía de Castro

O 24 de febreiro conmemorase o Día de Rosalía de Castro co motivo do 183 aniversario do seu nacemento! Rosalía de Castro é unha poetisa e novelista moi recoñecida na cultura galega. Aquí vos deixamos algunha unidade didáctica para coñecer ben a nosa querida Rosalía!

Unidades didácticas Rosalía de Castro por niveis (Recompilación de actividades do seminario Galán)

Un bico para...

O mes de febreiro adicámosllo ao amor e a amizade no noso cole! tódolos días do ano debemos amosar cariño, respecto e amor polos nosos achegados, pero non soamente polas persoas, senón tamén pola natureza e por todo o que nos rodea! Deste xeito, os nenos e nenas do Rosalía fixeron unha actividade moi especial e dedicaron un bico para...

O Entroido en Galicia!

No noso pobo celébrase o Entroido con moito entusiasmo, ao igual que noutros lugares da nosa comunidade autónoma. Aquí vos deixamos algúns recursos para que poidades coñecer como o festexan noutros lugares de Galicia. Non o perdades!!! 

Tamén vos deixamos un enlace con actividades de interese para facer nestes días:

"Mergullémonos no Entroido"
"Manualidades" 
Alguns vídeos e cancións! 

Arquivo pdf moi completo con información sobre como se festexa o entroido en distintos lugares de Galicia:
"O Entroido en distintos lugares de Galicia"

ENTROIDO 2020 !!

Xa chegou o entroido! Dende que comezou o ano é a data máis esperada por todos nós. O Meco xa se deixou ver durante a semana no noso cole, veu para traernos os mandadiños para este entroido, e como non, pensou no coidado do noso planeta e propúxonos o seguinte para engalanarnos durante a vindeira semana:

Día da Paz e da Non Violencia!

O 30 de xaneiro conmemoramos no cole o Día escolar da Paz e da Non violencia. Cada titor/a fixo actividades relacionadas con este día cos seu nenos e nenas na aula, pero tamén, xuntos, bailamos a "Danza da paz" (coa música de Mamá Cabra). Pasámolo xenial!
                       

                              Vídeo baile Día da Paz 

Ademais, nas portas principais de entrada e saída aos nosos patios temos unha receita mooooooi especial, a "receita para xogar en paz" que non soamente teremos en conta nun día tan sinalado, senon tódolos días do ano!!!

"Os nosos desexos de Nadal"

O Nadal é unha data moi especial, ben sexa por compartir momentos coa nosa familia e amigos, dar e recibir agasallos…e sobre todo, unha data na que pedimos desexos! Este ano os nenos e nenas do Rosalía engalanamos as árbores de nadal do corredor central do colexio con adornos que contiñan uns desexos moi especiais dos nosos alumnos/as para conservar e coidar o planeta Terra!

Afondamos na nosa lingua! Espectáculo "Rilla Rilla"

Os nenos e nenas do Rosalía fomos convidados á preestrea do espectáculo “Rilla Rilla na lingua” de Xarope Tulú. Pasámolo moi ben no concurso ademais de aprender moitas palabras e expresións novas en lingua galega!