FESTIVAL DE NADAL

 Se queredes volver ver as marabillosas actuacións do noso alumnado, por aquí vos deixamos o vídeo coa recompilación das actuacións do noso festival!

Que o desfrutedes! 😊

BADALADAS!

 Acaba o 1°trimestre e con el o ano! 

Non perdades detalle do discurso que fixeron as nenas e nenos de 6° e do ben que o pasamos!

FeLiZ ANinoVo! 🥳

Cros Provincial de Xogade

Este sábado desprazámonos a Zamáns (Vigo) para participar na fase provincial do Cros Escolar de Xogade.

Un total de 21 nenas e nenos de diferentes cursos do Rosalía enfundáronse a nosa camiseta para participar nunha xornada especial, na que, ademais das carreiras, houbo tempo para a diversión e a convivencia.

O Rosalía segue en movemento!

Magosto deportivo

 Na celebración do Magosto, ademais de probar unhas ricas castañas, pasamos un rato moi divertido con xogos populares galegos.

Levamos unhas semanas moi atarefados no cole preparando os festexos do outono que tanto nos gustan, o Samaín e o Magosto! 👻

No Samaín desfrutamos dunha deliciosa chocolatada, puxemos os nosos disfraces máis terroríficos e realizamos actividades onde puxemos en práctica a creatividade dos nosos nenos/as para conmemorar este festexo! 

No Magosto puidemos degustar unhas castañas riquísimas que nos prepararon as familias con moito agarimo e desfrutamos dunha xornada moi divertida de xogos populares!

Non perdades detalle! 👀

    Algunhas das actividades foron…

-Descubrir personaxes do Samaín coa mesa de LuZ.

-Crear construcións terroríficas empregando Korbo e os Lego. 

-Decorar os corredores e portas de cada aula con cadros famosos, relacionado coa temática do PDI deste curso, o ArTe. 

-Empregar os lapis de impresión 3D para realizar chaveiros con temática de Samaín.

-Crear escenarios terroríficos empregando a linguaxe de programación con Scratch.

-Inventar dúas historias en banda deseñada que quedaron de "medo", onde colaborou todo o alumnado do colexio!

ENTRE VIÑETAS E PANTASMAS!

Neste outono, todo o alumnado do noso colexio traballou xunto nunha actividade moi especial organizada polo Equipo de Dinamización da Lingua Galega. O obxectivo era crear dúas historias de misterio e medo... e compartir o proceso entre todos os cursos!

O alumnado de 6º de Primaria foi o encargado de inventar e escribir dous cómics cheos de intriga, dándolles vida a uns relatos que poñen os pelos de punta.
Os nenos e nenas de 5º puxéronlles cor, expresividade e moita arte, ilustrando as historias e demostrando o seu gran talento artístico.
Os cursos de 4º, 3º e 2º puxeron as súas voces e emocións para gravar as narracións e conseguir que os máis pequechos puidesen escoitalas mentres ollaban as imaxes.
O alumnado de 1º de Primaria encargouse de deseñar as portadas, enchendo de cor e creatividade o inicio de cada historia.
E, por suposto, o noso alumnado de Educación Infantil tamén tivo un papel fundamental: decoraron as letras dos títulos, dándolles un toque alegre e misterioso.

O resultado final foi un proxecto conxunto cheo de imaxinación, cooperación e lingua galega, no que cada curso puxo o seu gran de area para crear algo único.
Parabéns a todo o alumnado e ao profesorado implicado por facer posible esta aventura tan terrorífica e divertida! 🎃

👉 Aquí vos deixamos os vídeos cos dous cómics, para que todas as familias poidades disfrutar das historias, das voces e das ilustracións creadas polo noso alumnado.

🖼️ E aquí vos deixo tamén unha imaxe de como quedou o mural, que recolle parte do traballo feito entre todos e todas. Quedou terrorificamente bonito! 👻✨

Xeración Power

 En 5º e 6º de Primaria comezamos o curso poñéndonos en forma. Na Unidade "Xeración Power" coñecemos a importancia do traballo da forza e a resistencia como base para uns meses que agardamos estean cheos de deporte.

Coñecendo o noso corpo en EF

Nestes primeiros meses de curso, nas clases de Educación Física de 1º e 2º ciclo estamos a coñecer mellor o noso corpo. Saber como somos, como nos movemos e que podemos facer con cada parte é moi importante para aprender a movernos mellor, xogar e desfrutar da actividade física.

A través de xogos e actividades divertidas, os nenos e nenas van descubrindo o seu corpo e aprendendo a controlalo. Algunhas das propostas que fixemos foron:

• Transportar obxectos con diferentes partes do corpo.

• Xogos de equilibrio, para manterse firmes sen caer.

• Debuxar a silueta do corpo con cordas e outros materiais.

• Pequenos circuitos motrices, onde poñemos en práctica o control, a coordinación e a axilidade.

Todo isto axúdalles a coñecerse mellor, gañar confianza nos seus movementos e sentar as bases para seguir aprendendo novas habilidades ao longo do curso.

Cros de Xogade en Montalvo

Somos un cole de nenas e nenos deportistas e por iso agardábamos con ilusión (e un pouco de nervios, non o imos negar) a data de hoxe.

Desprazámonos ata o merendeiro da praia de Montalvo para participar no Cros Escolar de Xogade, cos cursos dende 2º a 6º de Primaria.

Foi unha xornada moi divertida e soleada, na que ademais de correr tivemos tempo para bailar e xogar. 

E lembrade... "Como se lía... no Rosalía!"