O pasado 23 de febreiro, conmemoramos no noso centro o Día de Rosalía de Castro, unha das figuras máis importantes da nosa literatura e símbolo da lingua e da cultura galega.
Para celebrar esta data tan especial, todo o alumnado —desde Infantil ata 6º de Primaria— participou nunha actividade común chea de creatividade e sentimento.
Cada curso traballou un poema diferente de Rosalía, achegándose á súa vida e á súa obra a través da lectura, a reflexión e distintas propostas na aula. Como produto final, cada neno e nena elaborou unha flor, na que escribiu un verso do poema que estiveron a traballar.
Pouco a pouco, fomos creando entre todos e todas un fermoso xardín literario, cheo de cor e de palabras. Cada flor representaba non só un anaco de poesía, senón tamén o esforzo, a ilusión e o respecto pola nosa lingua. Foi unha xornada moi especial, na que puxemos en valor a importancia de coidar e celebrar o noso patrimonio cultural.
Deixámosvos a continuación algunha recopilación de fotos e un video da celebración.
Ademais, este ano tamén participamos xunto coa Asociación Brogán do Grove e co resto de centros educativos do concello nunha actividade conxunta, na que interpretamos o poema “Seguimos bebendo”. Foi unha experiencia moi enriquecedora compartir esta celebración con outros colexios.
A continuación, deixámosvos o vídeo completo coa participación de todos os centros.
Grazas a todo o alumnado e profesorado pola súa implicación, un ano máis, a poesía de Rosalía no noso cole 🌺
.jpg)
