Recreacións dos artistas do Rosalía

 Aquí vos deixamos a mostra das fotografías que nos enviachedes pola conmemoración do día das Artes Galegas, este ano dedicado ao fotógrafo José Suárez.

Quedaron unhas recreacións chulísimas! 👀

4º de Primaria segue en movemento

 O grupo de 4º de Primaria participou na última xornada de multideporte de Xogade deste curso. Nesta ocasión, desprazámonos ao pavillón "novo" do Monte da Vila para compartir unha divertida e emocionante mañá de deporte co colexio veciño das Bizocas.

Non paramos, seguimos en movemento!

Xornada de multideporte de 6ºB

 O grupo de 6ºB participou nunha divertida xornada de multideporte de Xogade no pavillón "vello" do Monte da Vila na que compartimos unha mañá de xogos e deportes cos nenos e nenas do colexio de Nantes.

4º de Primaria xoga ao balonmán

 Despois de recibir a visita do Rasoeiro no noso colexio, para impartirnos unha sesión de adestramento, acudimos ao pavillón do Monte da Vila para participar nunha xornada de balonmán na que xogamos partidos contra os colexios de Conmeniño e Valle Inclán.

Os partidos estiveron cheos de emoción, goles, paradas,... Pero sobre todo, moita diversión!

Con esta actividade pechamos un marzo cheo de deporte e descansamos un pouco para recargar as pilas para o último trimestre, no que tamén teremos actividades de Xogade.

Seguimos en movemento, porque...

COMO SE LÍA... NO ROSALÍA!

Equilibristas do acrosport

O acrosport é unha disciplina moi divertida que combina acrobacias, equilibrio e traballo en equipo. Consiste en crear figuras humanas e pequenas coreografías nas que todos e todas teñen un papel importante. Aquí é fundamental confiar nos compañeiros, colaborar e pasalo ben mentres nos movemos!

Forma parte da programación dalgúns cursos, estando presente nas sesións de Educación Física a través dunha unidade didáctica adaptada a cada idade, aprendendo figuras, normas de seguridade e moita coordinación.

Ademais, todos os venres os nenos e nenas do noso colexio poden ir ao ximnasio a practicar acrosport, dentro dos Patios Activos do cole. 

Unha actividade diferente, un plan activo e cheo de retos en equipo! 💪

6ºA xoga en Nantes

 O CEIP Plurilingüe Nantes recibiunos nunha xornada de multideporte na que puxemos en práctica todos os coñecemento e as habilidades deportivas que imos adquirindo ao longo destes cursos. 

Seguimos en marcha, a pola recta final do curso!