Si, xa estamos no Nadal! Os nenos/as e maiores agardamos estas datas ansiosos por xuntar á familia, ter vacacións e sobre todo...por recibir algún agasallo si nos portamos ben ao longo do ano! Durante estes días traballaremos algún dos personaxes típicos do Nadal, como "Papá Noel" os "Reis Magos" e tamén achegaremos aos alumnos/as a figura do "Apalpador". Se queredes saber quen é o "Apalpador" non vos perdades a súa historia!
Lecturas recomendadas para o Nadal, dispoñibles na biblio do noso cole!
Durante os días previos ao SAMAÍN, a fábrica de monstros do Rosalía estivo traballando moito para fabricar os monstros máis monstruosos deste Samaín!! 👿💥🎃
Agardamos que desfrutedes moito vendo os vosos monstros e as súas historias!!
Despois dun mes de curso xa
comezamos cos preparativos para un dos nosos festexos favoritos... O SAMAÍN!!!
Cada ano, facemos diferentes
actividades para traballar este festexo ancestral, e este ano propoñémosvos unha nova actividade. Atentos aos corredores do centro e ás instrucións das
vosas mestras e mestres para crear o voso propio...MONSTRO!
Ahh! E non perdades detalle, xa
que teredes que presentárnolo no Samaín!
Xa temos a edición dixital da revista escolar deste ano! Como non podía ser doutra maneira, cunhas seccións chulísimas feitas polos alumnos do Rosalía.
Moitas grazas polas vosas achegas! 😊
PD: En breve disporemos dun exemplar na biblio do noso cole!
Durante este curso estivemos a traballar as "EmOCiÓnS" e a importancia de saber identificalas. O profe de música levou a cabo unha actividade moi chula na que aprendemos como a través da música se poden expresar as emocións.
O alumnado de educación primaria interpretou unha morea de cancións en distintas linguas, con diferentes ritmos, etc.
Xa temos a seguinte edición do noticiario "24 horas no Rosalía"! Non perdades detalle, o mes de febreiro foi un mes moi intenso xa que fixemos moitas actividades! Ollade!! 👀👀
Este entroido foi un tanto especial! Dende o cole, propuxémonos que cada ano coñeceríamos a fondo como é o entroido nos distintos lugares de Galicia, e este ano, eliximos Xinzo de Limia.
Para iso, empregamos distintos recursos da rede e tamén contamos coa colaboración do CEIP Rosalía de Castro de Xinzo, que nos enviou unhas redaccións chulísimas contándonos como festexan o entroido na súa vila! Moitas GraCiAS Xinzo, encantounos o voso Entroido, coas vosas tradicións e sobre todo a vosa protagonista, “A Pantalla”! 😍
Nós quixemos ensinarlles como vivimos o entroido e cales son os nosos costumes, e para iso elaboramos uns vídeos explicando como é o programa do noso entroido, as comparsas e a lenda do Meco. Se queres velos, non perdades detalle da entrada anterior!
Imos compartir con todos/as vós como é o entroido na nosa vila. Nos últimos anos non puido festexarse como sempre por causa da pandemia, pero imos explicar como o celebrabamos cada ano, esperemos que pronto poidamos recuperar todas estas actividades! Escoitade con atención!
Como ben dixeron os compañeiros, o "prato forte" do noso entroido son as "comparsas". Ollade a noticia que nos achegan os compañeiros/as de 6º!
Sabiades que? Cóntase que a orixe do Meco está na nosa localidade, o Grove. Aos grovenses tamén se nos coñece como "Mecos" pero... sabedes por que?
Aquí viviu un
home que tiña mala fama. Dise que
pola súa actitude foron os propios habitantes da vila que chegado o día de entroido, fartos dos seus abusos, collérono e aforcárono, pendurándoo dunha figueira.
Non perdades detalle da historia desta figura tan popular dos entroidos de moitos lugares de Galicia!
*Parte do texto da lenda é do libro "Os mequiños e a lenda do Meco" de Juan Sendino e Pepe Carreiro, publicado por Todogrove edición.
AGARDAMOS QUE VOS GUSTE COMO FESTEXAMOS O ENTROIDO NA NOSA VILA!
Para conmemorar o Día de Rosalía de Castro fixemos moitas actividades nos distintos cursos: producións plásticas, visita virtual á casa de Rosalía, actividades interactivas, coñecemos as súas obras cos nosos robots e ata recitamos poesías das dúas obras máis coñecidas de Rosalía, “Cantares galegos” e “Follas novas”.
Cada ano desfrutamos máis e máis coñecendo a Rosalía!!!!
O curso pasado demos comezo a unha actividade que consistía en coñecer como se festexa o Entroido nos distintos lugares de Galicia. Como non, comezamos pola nosa localidade, O Grove, e este ano tócanos coñecer como festexan o Entroido en ... XINZO DE LIMIA!!
E...onde queda Xinzo de Limia? Pois é un municipio da Comarca da Limia, na provincia de Ourense. 👀
Imos indagar sobre as tradicións do Entroido nese municipio, que segundo dín...é o máis longo de todo España! Ollade o calendario do Entroido pasado...
Si que son festeiros nesta vila! 😄
Para afondar nas súas tradicións, achegámosvos os seguintes vídeos onde nos explican algunhas cousiñas moi interesantes sobre como viven o Entroido.
No seguinte vídeo explícanlles ás nenas e nenos dun colexio como é a súa personaxe principal, a "Pantalla"
Neste enlace podedes atopar unha noticia da televisión de Galicia que nos fala sobre a elaboración da carauta típica.
