"Os nosos desexos de Nadal"

O Nadal é unha data moi especial, ben sexa por compartir momentos coa nosa familia e amigos, dar e recibir agasallos…e sobre todo, unha data na que pedimos desexos! Este ano os nenos e nenas do Rosalía engalanamos as árbores de nadal do corredor central do colexio con adornos que contiñan uns desexos moi especiais dos nosos alumnos/as para conservar e coidar o planeta Terra!

Afondamos na nosa lingua! Espectáculo "Rilla Rilla"

Os nenos e nenas do Rosalía fomos convidados á preestrea do espectáculo “Rilla Rilla na lingua” de Xarope Tulú. Pasámolo moi ben no concurso ademais de aprender moitas palabras e expresións novas en lingua galega! 

 

"Magosto e xogos populares"

Un ano máis festexamos o magosto no noso cole. No mes de novembro fixemos a tradicional castañada, pero como o tempo non nolo permitiu...non puidemos facer os tradicionais xogos o mesmo día! Demorouse, pero finalmente disfrutamos dunha xornada lúdica moi divertida na que os nenos, nenas e mestres disfrutamos de xogos populares como a castaña que estoupa, o xogo das sillas, o tragacastañas, os bolos, a pesca das castañas, o tres en raia, conducimos castañas nun circuíto, relevo de castañas...etc! aquí vos deixamos unha mostra do ben que o pasamos!