Este ano, o Día das Letras Galegas é moi especial porque lembramos a unha
muller que usaba as palabras para facernos soñar e pensar: Begoña Caamaño.
Begoña naceu en Vigo e dende moi pequeña
encantábanlle as historias. De maior, traballou moitos anos na Radio Galega, así que a súa voz era
coñecida en toda Galicia! Pero, ademais de falar polo micrófono, apaixonáballe
escribir libros.
Begoña non escribía contos de fadas comúns.
A ela gustáballe “darlle a volta” as historias antigas.
-
Para os máis maiores: Nos
seus libros máis famosos, como Circe ou pracer do azul ou Morgana en esmeralda,
cóntanos a vida de personaxes antigos, dándolles voz ás mulleres. Ensínanos que
as mozas tamén poden ser as heroínas das súas propias aventuras.
-
Para os máis cativos: Aínda que os seus libros son para
adultos, Begoña ensínanos algo que todos podemos aprender: a importancia da
amizade e de escoitarnos os uns aos outros.
Begoña ensinounos tres cousas
fundamentais:
-
Amar a nosa lingua: Escribía en galego porque é o idioma
do noso corazón.
-
A igualdade: Cría que nenos e nenas deben ter as
mesmas oportunidades para brillar.
-
A curiosidade: Nunca deixou de facerse preguntas
sobre o mundo.
Para celebrar este día, propoñémosvos
un reto:
Debuxade a un personaxe dun conto que
coñezades (Carapuchiña, algún cabaleiro, un animal…) pero cambiádelle a
historia. E se o lobo fose un gran cociñeiro? E se a princesa rescatase ao
dragón?
Deixámosvos tamén unha serie de
recursos, para infantil e primaria, compartidos polo Seminario Galán e Afundación que
podedes consultar premendo nas fotos.
RECURSOS INTERACTIVOS
ACTIVIDADES EN PAPEL
FELIZ DÍA DAS LETRAS
GALEGAS!
Ningún comentario:
Publicar un comentario